Eis Deputadu segundu lejislativa nain rua eleitu sai membru Konselhu Konsultivu ba Fundu Petroliferu ne’ebe sei hala’o knar nudar konseileiru ba lei fundu petroliu nian.
Eis Deputadu Rui Menezes husi Partidu Demokratiku (PD) no Jose Texeira husi Fretilin eleitu hafoin membru Parlamentu Nasional halo votasaun ho votus afavor 58, abstensaun rua no kontra tolu (3).
Hafoin eleitu, Prezidente Parlamentu Nasional husu ba sira nain rua atu deklara relativas ida kona ba patrimonio, propriedade capital inklui konta bankaria ne’ebe sira iha antes asumi kargu ne’e.
“Ida ne’e mak ita sei komunika ba membrus konselhu konsultivu ba fundu petroliferu,”tanba iha numeru seis artigu 27 lei fundu petroliferu nian koalia katak ‘os membros conselho consultivos do fundo petrolifero bem com assessor economic,” tenik Prezidente PN, Vicente Guterres da Silva, (28/01), iha PN.
Votasaun ida ne’e hala’o tanba membru KKFP iha primeira mandatu hotu tiha iha fulan Novembru 2011 no iha mandatu segundu lejislasaun la konsege halo eleisaun ba membru foun atu substitui no extende deit sira nia mandatu no foin ohin mak bele hili fali.
Tuir Vise Prezidente PN, Deputadu Aderito Hugo da Costa katak tuir lei fundu petroliferu eis titulares sira iha direitu direitamente sai membru KKFP.
“Sira nia knar mak sai konsileiru ba ita nia lei fundu petroliu para atu akonselha ba parlamentu nasional kada tinan-tinan em relasaun levantamentu fundu petroliu ba despeja estadu ninian,” dehan Vise Prezidente PN ne’e.
Alem de ne’e, Membru KKFP mos halo apresiasaun ba despeja orsamentu estadu nian.Sira nain rua nia mandatu durante tinan hat nia laran.
Membru KKFP iha primeira mandatu mak Dosente Universidade Nasional Timor Lorosa’e (UNTL), Bendito no Nuno Rodrigues.
