“Tanba ne’e bainhira iha ema ruma halo keisa ami halo kedas investigasaun depois mak haruka ba iha Ministeriu Publiku atu halo prosesa,” hateten Provedor Direitus Umanu e Justisa (PDHJ), Sebastiao Diaz Ximenes, (05/12), iha Salaun Nobre Ministeriu Negosiu Estranjeiru, Pantai Kelapa, Dili.
“Ita hotu hatene direitus umanu, direitu ida ne’ebe ita bele dehan moris nain, sidadaun hotu-hotu, serumanu hotu-hotu nia direitu desde nia moris nia iha ona direitu ida ne’e,”dehan Provedor Prezidenti PDHJ nian mak oinsa halo proteje direitu ema ida nian ,ema seluk la bele viola,” dehan Provedor ne’e.
Provedor ne’e dehan, se enkuantu membru Polisia no membru Forsa Defeza balun mak komete halo violasaun direitus umanus, PDHJ haruka kopia ida ba Komando rua ne’e ninian mak foti medidas hasoru nia membru ne’e.
“Dala barak iha Timor, imi hatene violasaun direitus umanus hala’o husi autoridade publiku sira ,hanesan ita nia Polisia sira,ita nia membru F-FDTL ou mos sira nebe servisu iha prizaun, sira ne’e mak halo violasaun direitus umanus,” tenik Provedor PDHJ ne’e.
Nia dehan, kada tinan keixas ba violasaun direitus umanus ne’ebe tama iha PDHJ aumenta maibe iha tinan balun mos numeru keixas komesa tun.
“Tinan ida bele simu keixa violasaun direitus umanus tinan ida ami bele simu 300 to’o 400, maibe iha tinan balun keixa tun fali to’o 200 to’o 100 keixas deit,” Provedor ne’e katak. n
