SFCG nia Director Ezekutivo, Francisco de Sousa, hateten katak nia kontente simu suporta finanseira ne’e hosi UE.
“Ida ne’e hanesan parte komitmentu husi delegasaun Uniao Europeia nian, hare liu ba sosiedade sivil sira, ne’ebe nia prosesu ne’e naruk la halimar,” Diretor de Sousa tenik.
Nia haktuir, SFCG rasik hatama sira nia proposta desde fulan Outubru 2011 e SFCG koko atu halo submisaun ba iha konseptu nota, e komisaun sira halo selesaun ba konseptu ne’e e ikus mai, “Ami nia konsep nota ne’e hetan aprova duni.”
Diretor de Sousa mos dehan ho tulun ida ne’e sira sei haforti liu programa SFCG nian ne’ebe iha ona.
Tuir nia mos fundus ne’e sei supota hametin liu tan SFCG nia programas hanesan Programa Sosiedade Sivil no Juventude nia Partisipasaun hamutuk ho Conselho Nasional Juventude Timor-Leste (CNJTL) no mos programa seluk ne’ebe utiliza media atu promove inisiativas dame hamutuk ho Timor-Leste Media Development Centre (TLMDC).
“Search For Common Ground hetan seleksaun liu hosi prosessu ne’ebe komplexu no transparente no tanba ne’e mak ohin ita iha ne’e atu assina kontratu ida ne’e,” hateten Francisco Incerpi Montbrun, Xefe Ekipa Suporta ba NAO.
Nia espera katak fundus ne’e sei fasilita SFCG implementa nia programas ho valor aas no signifikante iha Timor-Leste.
