“Ne’e la’os buat fasil, atu identifika buat ne’e ami presiza ema ne’ebe hatene iha area Antropoligia, Arkeologia, Deontologia, inklui aspetu DNA no ema husi dactik loskopia, ita laiha,” dehan Diretor Servisu Investigasaun Criminal (SIC) Superintendente Calisto Gonzaga, (13/08), iha Kaikoli, Dili.
Diretor SIC ne’e informa, iha nasaun tolu -Australia, Korea no Malaysia- mak pronto atu ajuda hodi halo prosesu identifikasaun ba ruin sira ne’e, e SIC rasik hetan ona karta koperasaun hodi halo parte iha prosesu ne’e. “ne’e duni iha semana ne’e ami sei koko forma ekipa ida.”
Entretantu Deputadu Mateus de Jesus hateten, identifika mate ruin ne’e la’os buat ne’ebe mak fasil.
“Presiza ema ne’ebe maka iha kapasidade, tenke iha ekipamentus ne’ebe mak kompletu atu identifika mate ruin hirak ne’e, karik nasaun seluk ne’ebe hakarak voluntariumente atu ajuda ne’e buat ne’ebe maka positivu tebes,” dehan Deputadu de Jesus.
Tuir nia, alende rekursu umanu ne’ebe limitadu, Timor-Leste rasik seidauk iha ekipamentus ne’ebe mak kompletu atu identifika mate ruin sira ne’e.
