Women’s Justice Unit, (WJU) nudar unidade ida iha Judicial System Monitoring Program (JSMP) nia okos, ne’ebe durante ne’e halo monitorizsaun ba kazu Violensia Domestika (VD) no Violasaun Seksual (VS)ne’ebe maka tama iha tribunal.
“Ami nia knar halo monitoring ba kazu Violensia Domestika no Violasaun Seksual iha tribunal, pur ezemplu karik iha desizaun ruma ne’ebe maka ladun justu ba ita nia maluk feto sira iha tribunal,” hateten Kordenadora WJU, Flora Soriano Menezes, (01/08), iha Hotela Ramelau, Aimutin, Dili.
Alende ne’e WJU mos fo treinamentu ba lider komunitaria feto sira inklui ba joven feto, hasa’e sira nia konesementu kona ba lei, no bainhira akontense VD no VS iha sira nia bairo, sira tenke buka lalais justisa formal.
Tuir monitorizasaun WJU durante ne’e katak iha progresu barak mak hanesan, uluk kazu VD no VS ladun hetan julgamentu iha tribunal, mais tanba WJU halo press realize no relatoriu barak antaun agora dadaun tribunal mos julga ona kazu VD no VS komesa barak ona. no terinamntu nebe maka WJU fo ne’e kuaze ba Distritu 13.
Entertantu Deputada Carmelita Caetano Moniz, urguilhu tanba iha Sosiadade Sivil balun hanesan JSMP-WJU iha inisiativa atu realiza programa hanesan ne’e.
“Ne’e atividade ne’ebe maka positivu, fo konesementu ba komunidade kona ba lei, kona ba atuasaun wainhira iha problema hanesan ne’e, hau hanoin WJU mos iha hanoin diak kona ba kestaun ne’e,” dehan Deputada ne’e ho orguilhu.
Deputada ne’e mos sujere ba WJU karik fo formasaun ka treinamentu ba komunidade sira, tenke involve mos mane sira tanba sira mak halo hahalok hanesan ne’e.
