Mandatu Segundu Lejislatura falta semana ida tomak, mesmu nune’e sira sei posibilidade atu deside buat ruma ne’ebe Parlamentu presiza halo.
“Ami sei bele aprova rezolusaun kona ba patrimonio Parlamentu ninian hanesan kareta sira ne’e, laptop ne’ebe presiza deside liu husi rezolusaun ruma Parlamentu Nasionla nian,” hateten Deputadu Pedro da Costa Martires, (17/07), iha Uma Fukun, Dili.
Kona ba lei barakmak sei pendenti hela iha Parlamentu, tuir Deputadu husi Bankada Congresu Nasional Rekonstrusaun de Timor (CNRT), tempu la to’o ona atu debate lei hirak ne’e, no sei kaduka hotu.
Iha fatin hanesan Deputadu Joaquin dos Santos dehan , lei hirak ne’ebe sei pendent no la konsege ona aprova, sei rai ba lejislatura foun mai.
“Iha kazu barak ne’ebe afeta iha Parlamentu, aspetu tekniku administrativu iha buat barak presiza parlamentu ida ne’e tenke hadia molok entrega poder ba deputadu foun,” dehan Deputadu husi Bankada Fretilin ne’e.
Tuir nia, durante tinan 10 Parlamentu moris iha Coby House deit, tanba orsamentu ne’ebe mak halo aprova atu halo edifisiu Parlamentu nian lahatene tanba laiha justifikasaun.
“Pelu menus lansamentu primeira pedra netik, para Parlamentu foun mai karik dehan,uluk Parlamentu tuan ninia servisu husik hela mak ida ne’e,” Deputadu ne’e kestiona.
