Kazu membru Falintil Forsa Defeza Timor-Leste (F-FDTL) ho inisial SBM ne’ebe hetan oho husi ema diskonesidu iha Sub-Distritu Maliana, iha 24 Junu 2012 agora iha ona Ministeriu Publiku (MP) hodi halo investigasaun klean.
“Agora dadaun kazu ne’e tutela ona ba iha Ministeriu Publiku distritu Suai nian, portantu agora dadaun iha prosesu laran hodi buka tuir arguidu ne’ebe oho vitima ne’e,” dehan Diretor Servisu Investigasaun Criminal (SIC), Calisto Gonzaga, (05/07), iha Kaikoli, Dili.
Diretor SIC ne’e dehan, mate isin matebian nian halo autopsia tiha ona no intrega ona ba iha familia hodi halo serimonia funerariu.
Entertantu Deputadu Estanislao da Silva husu ba PNTL atu halo investigasaun didiak to’o hetan autor ba kazu ne’e.
“Presiza investiga didiak to’o hetan ema ne’ebe ke halo mate ita nia soldadu ida ne’e, tanba ema ida laiha direitu para hasai ema ida nia vida,” dehan Deputadu da Silva.
