Irigasaun Maliabaka iha Maliana II (Suku Memo), Sub-distritu Maliana, Distritu Bobonaro ne’ebe aat desde tinan rua ba kotuk, oras ne’e dadauh Ministeriu Agrikultura e Peska (MAP), liu husi Diresaun Nasional Irigasaun (DNI), hahu rehabilita no obra la’o ona.
Tuir nia, total orsamentu ba projetu ne’e hamutuk US$ 500 mil e tal deit, tanba halo rehabilitasaun oituan deit.
“Orsamentu oituan tanba hadia kanu deit, uluk Indonezia mak halo no nia saluran ne’e at hotu ona, ne’e duni ami so para atu hadia kanu ne’e deit,” Diretor Pereira dehan.
Entertantu Deputadu Francisco Jeronimo, dehan ida ne’e planu diak ida, nune’e povu iha fatin ne’e bele hamosu produsaun fos ne’ebe mak diak.
“Ne’e hanoin diak atu nune’e povu ne’ebe maka halo natar ne’e, sira bele hetan rezultadu ne’ebe maka diak,” apoia Deputadu ne’e.
Tuir nia, maske Governu bele halo foun maibe importante tenke toma atensaun no protesaun, atu nune’e irigasaun sira ne’e bele iha kondisaun ne’ebe maka diak.
