“Durante mandatu AMP husi 2008 ne’e, ami rehabilita purvolta de 29 eskema, mais ne’e servisu barak liu maka emergensia hotu, katak oinsa maka ita bele fo bee ba petani sira atraves de servisu ne’ebe maka lori tempu badak hodi halo,” dehan Diretor Nasional Irigasaun, Martinho Pereira, (25/06), iha Comoro, Dili.
Alende rehabilita, DNI mos konsege halo irigasaun foun rua iha Maliana I no Bebui iha Distritu Viqueque nian.
Obras hirak ne’e hanesan irigasaun iha Maliana I husi Japaun maka ajuda no iha Bebui hahu konstrui husi 2008 no remata iha fulan Fevereiru 2011.
Entertantu c, rekonese katak durante mandatu governu AMP, MAP halo duni rehabilitasaun irigasaun lubuk bo’ot ida.
“Maibe rehabilita balun deit, no iha fatin balun at hela,” dehan Deputadu Jeronimo.
Tuir nia, irigasaun hirak ne’ebe halo ona rehabilitasaun presiza halo kontrola, tenke halo manutensaun, nune’e bee bele la’o ho diak to’o iha agrikultor sira nia natar fatin.
