“Agora dadaun iha ponte sia ne’ebe maka iha ona mesak halo foun hotu, mak ponte Daudere Lospalos, ida iha Bee Lulik Ainaro, iha Bayer Suai, Dilor Viqueque, Tono
Oe-Cusse (iha prosesu nia laran), Taroman beach iha Suai, ne’e kategoria ponte ne’ebe maka bo’ot, e ponte ki’ik iha Motahare Ermera, ida iha Bucoli Baucau, no ida iha Salau Manatuto,” hateten Xefe Ponte Diresaun Nasional SEOP, Abrão Vieira, (11/06), iha Mandarin, Dili.
Enkuantu Kompania ne’eba kaer obra ne’e mos iha sia (9) no tuir prosesu tender ne’ebe iha.
Kompania hirak ne’e mak Kompania Karya Timor-Leste, Posko Plan Engenering, Duta Graha Indah no Gunung Kijang (joint), no Daya Mulia Turanga, Ensul Engeneria , sira ne’e atende ba ponte bo’ot sira, no ba ponte ki’ik mak Perola de Timor, Risa Unipessoal, no kompania Betfore Unipessoal.
Entertantu Deputadu Paulo Fatima Martins, katak, ne’e progresu ne’ebe maka Obras Publiku atinji.
“Ne’e progresu bo’ot ida ne’ebe ita tenke hare no respeitu, katak ita timor ne’e la’os marka pasu iha fatin deit, maibe sempre iha mundansa,” dehan Deputadu Martins.
Deputadu ne’e espera katak, governu tuir mai sei esforsu maka’as para bele atinji progresu ne’ebe maka diak liu, ba dezenvolvementu nasaun ida ne’e.
