“Urbanizasaun katak tata kota, katak planu dezenvolvementu kota ne’e atu la’o oinsa, uma bele halo iha ne’ebe, fasilidade publiku halo iha ne’ebe, uma ba komunidade halo iha ne’ebe, estradas halo hanusa ne’e planu de urbanizaun, agora ita hare trankadu hanesan ne’e tanba laiha planu de urbanizasaun, atu halo planu urbanizasaun antaun ita tenki iha estatus lei rai nian, e agora lei urbaizasaun mos seidauk iha,” dehan Deputadu Aderito Hugo, semana kotuk (09/05), iha Uma Fukun, Dili.
Tuir nia, governu tenke kria lei kona ba ida ne’e nian, nune’e sidade Dili iha kondisaun ne’ebe mak formadu.
Deputadu Hugo dehan, lei tolu kona ba rai nian ne’ebe maka Presidente Veta ne’e iha relasaun ho kestaun urbanizasaun maibe Prezidente Veta fali.
“Tenke define see maka nain ba rai no devine mos kompesasaun, sei estadu presiza rai ida atu halo estradas, estadu presiza rai ida ne’e atu halo edifisiu publiko regras ne’e iha ona ne’e maka lei espropiasaun ne’ebe maka prezidente veta tiha ne’e, so lolos lei ne’e atu resposta preokupasaun kona ba urbanizasaun ne’e,” Deputadu Hugo tenik.
Entertantu nudar Diretor Ezecutivu Judicial System Monitoring Program (JSMP), Luis de Oliveira Sampaio, dehan governu presiza duni kria lei urbanizasaun nian, nune’e bele forma sidade Dili sai furak liu.
“Sei ita iha munisipiu iha Dili ninian, hau hanoin sira tenke produs lei ida atu hare liu ba penataan kota Dili, tanba kebetulan Dili sai hanesan kapital Timor-Leste ninian, e agora ita seidauk iha,” hateten Diretor Ezekutivu JSMP, Sampaio.
