Populasaun Agustinho Belo preokupa tanba trotoar mak hanesan fatin ba ema lao aiin sira nian e uza fali ba fatin fa’an sasan nian.
“Hau senti vendedores sira ne’ebe fa’an sasan iha trotoar leten ne’e, tanba ladun atensaun husi ita nia nai ulun sira, tanba fatin ne’e ema atu la’o, la’os fa’an fali sasan iha leten, ne’e fo impaktu ba transporte ne’ebe la’o ba mai,” preokupa Komunidade Belo, semana kotuk (12/04) iha Baucau, Vila Nova.
Tuir nia, governu tenki kria fatin ida ba vendedores sira atu ba fa’an hamutuk iha fatin ida, la’os ba fa’an iha trotoar leten tuir ida-idak nia hakarak.
Preokupasaun hanesan mai husi Komunidade Anita da Silva katak, trotoar la’os fatin atu fa’an sasan nian, maibe fatin ba ema atu la’o ain nian.
“Hau husu ba bo’ot ba governu, atu tau atensaun ba fatin ne’ebe mak oras ne’e vendedores sira fa’an sira nia sasan,”Komunidade da Silva sujere.
Entretantu Vendedora Maria Freitas dehan, nia fa’an iha trotoar leten tanba situasauun mak obriga e laiha fatin seluk ona.
“Hau kompriende katak trotoar fatin ba ema atu la’o maibe hau atu fa’an iha ne’ebe, fatin la iha, entaun hau tenki fa’an iha trotoar leten hodi buka netik osan atu sustenta hau nia moris loron-loron nian,” dehan Vendedora Freitas.
