“Vitima ira iha Sub-distritu Baucau vila kompostu husi suku neen mak simu ona ajuda, no Sub-distritu lima seluk seidauk simu,” hateten Administrador Distritu Baucau Antonio Guterres,, semana kotuk (21/03) iha Administrasaun Baucau.
Tuir Administrador Guterres katak, apoiu iha primeira etapa ne’e ba non food item, hafoin halo verifikasaun hotu tiha dadus nebe iha sei submete ba MSS, dirasaun Dezastre Naturais nian atu haruka sasan rekoperasaun ba vitima sira atu hari hikas sira nia uma iha segundu etapa nian.
“Sira ne’ebe seidauk simu, ami haruka ona ekipa atu halo levantementu dadus nebe hetan submete mai ita halo verifikasaun atu sira mos bele hetan ajuda hanesan vitima sira seluk nebe simu tiha ona,” hateten tan Administrador ne’e.
Administrador nee’e hatutan tan katak, Sasan nebe mak vitima sira simu hanesan emerjensia nian, atu bele sustenta sira nia vida loron-loron nian, sasan emerjensia sira nee’e mak hanesan fos, sanan, biti, terpal, sabuneti, rinso,lipa miskiteru nebe teu iha pakote ida.
Fahe ajuda ba vitima sira ne’e mos pakote 50 mai husi Cruzs Vermelha Timor-Leste (CVTL) iha Distru Baucau ba vitima sira nebe mak hetan dezastre husi anin boot nebe akontese foin lalais nee’e iha distritu Baucau.
Iha fatin hanesan Xefe Suku Wailili, Hernanio de Jesus Araujo hateten, dezastre bo’ot ne’e alende sobu uma mos estraga sasan balun komuniddae sira nian.
“vitima sira nebe uma aat total husu ba governu atu fo ajuda rekoperasaun material ninian, governu tenki halo lalais hamesan mos ajuda emerjensia nian tamba agora tempu udan nebe komunidade sira labele halo sira nia uma,” sujere Xefe Suku Araujo.
Chefe suku De Jesus hatuan vitima dezastre nee’e agora balun hela iha familia sira nia uma no balun desaraska dada lona iha sira nia fatin atu sira bele hela, vitima nebe hetan dezestre iha suku wailili hamutuk familia 33 no sira hetan hotu ajuda emerjensia.
Ajuda emergensia ba vitima sira fahe direita husi Administrador Distritu Baucau, Antonio Guterres, Administrador Sub-distritu Baucau Vila Regina de Sousa simu husi Xefe Suku no reprezentante suku nebe nia povu hetan dezastre naturais.
