“Antes de implementasaun lolos, ami komesa halo dezaminasaun ne’e la’o tuir sub distritu ida-ida ami sei fahe tuir sub Distritu ida atu dezamina kona ba politika kona ba papel implementasaun estabelesementu integradu bolu estabelesementu integrado ensino bazico ,” hatetan Diretor Cabral, semana kotuk (26/03) iha Tirilolo, Distritu Baucau.
Diretor Cabral hatutan, tuir Lei Baze da Educasaun iha artigu 11, Ensino Baziku fahe ba ciclo tolu; primeiru ciclo, segundu ciklo,no terseiru ciclo tuir dekretu lei no 7/2010 ne’ebe mak aprova tiha ona.
“Decimo primeiru ano to’o decimo terceiru ano ne’e ensino secundario jeral ou tecniko professional ,” Diretor Cabral katak.
Nia hatutan, Eskola Primaria sira hotu iha Distritu ne’e, reorganiza sai hanesan escola ida ne’ebe hanaran Sentru Ensino Baziko, no kada Sentru ida iha eskola tolu, hat lima hanesan ne’e.
Iha Distritu Baucau, iha 17 Sentru Ensino Baziku, mak hanesan iha Baucau Vila Sentru Ensino Baziku Tirilolo, Sentru Ensino Baziku Vila Nova , Sentru Ensino Bazikuo Uai Lili, Sentru Ensino Baziku Gari-Uai, Sentru Ensino Baziku Aubaca, Sentru Ensino Baziku Ceical,Sentru Ensino Baziku Bercoli, Sentru Ensino Baziku Uai Bua Venilale, no mos Sentru Ensino Baziku Binagari Vemasse, iha Laga Sentru Ensino Baziko Soba, Sentru Ensino Baziku Burdua, Sentru Ensino Baziku Bua-Uai Lavateri, Sentru Ensino Baziku propio iha Baguia Vila, Sentru Ensino Baziku Ossu Una, Sentru Ensino Baziku Afasa, Sentru Ensino Baziku Letemumu Quelicai Vila, no Sentru Ensino Baziku Lai Soru Lai.
Iha parte seluk Superintedente Educasaun Distrital Distritu Baucau, Augusto Ornai Ximenes hateten katak prosesu implementasaun integradu Ensino Baziku iha Distritu Baucau iha Sentru Ensino Baziku la’o hela.
“Sentru ne’e agrupa escola lubuk ida, hahu husi tolu e balun to’o sia ne’ebe agrupa iha sentru ida no oras ne’esira hahu ona, Ensino Baziku ne’e la’os to’o decimo maibe to’o deit primeiro ano to’o novi anos Ensio baziko,” hateten Superintedente Ximenes.
Entertantu Koordenador Escola Bazika Filial Lutumutu Distrito Baucau hateten, uluk eskola ne’e to’o deit kintu ano, maibe depois de forma Sentru Ensino Baziku, sira afilia ba Sentru Ensino Baziku no.01 Baucau.
“Depois loke tiha ninia ramos ne’e mak alunus sira lori au husi ne’eba mai momentu ne’e iha primeiru ate quinto ano deit, tanba lamentasoes husi komunidade iha parte lutumutu katak sira nia oan sira escola do’ok to’o deit quinto ano, aban bain rua sira atu ba fali escola iha ne’ebe e ami mos toma inisiativa ho professores loke duni ninia ramos iha ne’e,” hateten Koordenador Belo.
