Atu promove Paz no Estabilidade iha Timor-Leste tinan-tinan halao Atividade Tour de Timor hanesan kurida bisikleta no halai marathon no ba tinan 2012 Distritu Oé-Cusse hetan fiar hodi sai uma nain mos ba Etapa Tour De Timor ba datoluk.
Nune’e semana kotuk (06/02) ekipa servisu hosi Gabinete Presidente halo kordenasaun ho lideransa local Distritu Oé-Cusse iha salaun enkontru Administrador Distritu Oé-Cusse.
Floriano Carvalho, Kordenador Ekipa ne’e hateten katak encontro ne’e hanesan etapa uluk atu identifika kona ba fatin no estradas molok Tour de Timor movimento haleu Distrito Oé-cusse ktividade ne’e atu la’o ho diak presiza tu’ur hamutuk atu diskuti klean wainhira tour hahu tamba Tour de Timor komesa iha fulan Setembru nia laran. Ami mai atu halo preparasaun,” hateten Kordenador Ekipa Carvalho.
Kordenador Carvalho salienta tan katak razaun hili Oé-Cusse atu sai uma nain iha tinan ne’e, atu distritu seluk foti ezemplu Oe-Cusse nian ne’ebé moris iha Dame no Pas alende ne’e atu lori turista sira vizita Oé-Cusse ne’ebé nia area potensia ba turismu.
Entertantu SecretarioAdministrasaun Distrito de Oé-cusse, Francisco Bano, hateten katak povu Oe-cusse pronto atu simu Tour de Timor tama iha Oe-cusse, tanba ne’e hanesan dalan diak ba komunidade, liu-liu juventude iha Subdistrito 4 iha Enklave laran.
Tuir mos Reprezentante Sekretaria Estadu Juventude no Desportu (SEJD), Distritu Oé-cusse, Orlandus Kolo hateten tan katak komunidade hakarak Tour de Timor 2012 tenki involve barak ema Oe-cusse atu nune’e komunidade, liu-liu juventude sinti katak Tour mak nune’e duni nomos buat hotu tenki entrega poder tomak ba Oe-cusse mak jere tamba ne’e foin primera vez koko iha Distritu Oe-cusse.
