Director Adjuntu Eskola Publika (EP) 10 Dezembru, Amandio Freitas, iha Comoro, Dili agradese ba Governu liu husi komphania nebe maka halo rehabilitasaun ba sira nia eskola maibe lolos rehabilitasaun eskola ne’e entrega ba Ministeriu Educasaun (ME) iha data 30 Dezembru 2011, maibe to agora seidauk hotu.
“Konstruksaun ne’e tuir lolos entrega iha Dezembru tuir akordu nebe maka ami simu. Informasaun husi Director Distrital [ME] dehan hotu iha Ddezembru maibe na realidade to’o agora seidauk hotu. Depois fo informasaun husi ne’eba katak sei prolonga tan entrega iha Janeiro ne’e maibe hau hare Janeiro ne’e mos seidauk karik,” dehan Director Adjuntu Freitas, semana kotuk (18/1).
Nia mos hatutan katak oportunidade ida ne’e, husi EP 10 Dezembru rekomenda ba ministerio ne’ebe kaer konstruksaun ida ne’e bele fo hatene ba komphania nebe mak kaer konstruksaun ida ne’e para aselera lalais atu nune’e bele entrega fasilidades ba eskola atu bele uza.
Estudantes EP 10 Dezembru hamutuk mil resin.
Entretanto Heliu Francisco Da Costa, Director Companhia Manurade Konstruksaun Unipessoal LDA, hateten katka kompaniha enfrenta dezafius kona ba material konstrusaun menus iha rai laran ne’ebe la hatan sira atu kompleta konstrusaun ba eskola tuir data determina ona.
“Relasaun ho ida ne’e hau senti ligadu ba periodo servisu ba ami iha period kontraktu katak ami tenki akaba obra ida ne’e iha 31/12 maibe iha tempu ne’eba ami labele konsege complete obra ne’e tanba ami infrenta buat balun nebe ami tenki buka solusaun ba ida ne’e,” hateten Director Da Costa.
Nia hatutan tan katak, dificuldade nebe mak sira hasoru maka tanba iha 13 distritu hetan hotu rehabilitasaun iha tempu hanesan ne’ebe susar ba sira atu hetan material hanesan sementi, azulejus, nebe maka iha ligasaun ho material konstrukasaun ne’e defisil teb-tebes atu hetan iha loja
“Nomos iha difficuldade seluk iha relasaun mos ho prosesu pagamentu ne’ebe tarde.”
Diretor Companhia da Costa espera katak iha fulan Fevereiro nia laran prosessu reabilidasaun EP 10 Dezembru sei remata.
