Tuir Komisariu Komisaun Nasional Eleisoens (CNE), Arif Abdullah Sagram, durante Eleisaun Prezidensial 2012, kandidatu ba Prezidenti da Republika ne’ebe sei mana eleisaun mak kandidatu ne’ebe hetan votus minimu pursentu lima nulu plus ida (50%+1).
“Sekarik mosu kandidatu prezidenti nian ema nain lima, entaun sekarik ema nain lima ne’e, husi ema nain ida bele hetan 50 pursentu plus lima entau to’o ona. La iha tan ona segunda ronda,” hateten Komisariu Sagram, iha edifisiu CNE Kintal Bo’tot, iha Dili, foin lalais.
Komisariu Sagram hateten tan katak wainhira ema nain lima kandidatu maibe ema nain ida nia votus minimu pursentu lima nulu plus ida (50%+1), nia mos bele sai Prezidenti da Republika no simu pose.
“Sekarik kandidatu nain lima ne’e nia votu la to’o pursentu lima nulu, entaun manan primeiru no manan kedua mak tuir tan eleisaun dala ida tan [segunda ronda],” hateten Komisario Sagram.
Entertantu Deputadu Francisco de Araujo, ASDT, hateten katak horas ne’e dadauk kandidatu kuaze ema nain sanulu resin ona maibe sei tama tan segunda ronda hodi hatene se mak manan no se mak lakon.
“Primeiru ronda ne’e hanesan buat ida karik tama ba sabraut deit, maibe segunda ronda mak foin bele determina semak votus barak liu.”
Deputado de Araujo hatutan tan katak wainhira tama ba iha eleisaun segunda ronda partidu sira tenki hanoin ona halo koligasaun.
