“Atu prepara, STAE, Parlamentu aprova orsamentu ne’ebe bo’ot teb-tebes US$8 milioes e ital. Iha 2007 iha problema oin-oin maske hanesan ne’e ita konfia ita nia povu, ita autoriza sira atu vota iha fatin ne’ebe deit. Ema moras derepenti iha Oe-cusse parenti ruma ba tia iha Oe-cusse loron elisaun ne’e duni nia bele vota iha Oe-cusse. Iha 2007 ita halo duni hanesan ne’e, agora depois ita fo tia 8 milioens ba STAE, STAE mai fali dehan katak sira laiha kapasidade atu kontrola karik ema ruma bele vota dala rua. Halo oin sa maka ema ida ba tia ida moras hela iha oe-cusse ba ho ro’o nia bele mai ho ro’o derepenti atu ba vota fali iha Viqueque karik nia resensiadu iha Viqueque,” dehan Deputadu Tilman, semana kotuk (05/01) iha Parmamentu National, Dili.
Entretantu tuir staf Sekretariadu Tekniku Administrasaun Eleitoral (STAE) Florindo Pereira katak sidadaun hotu-hotu tenke vota iha fatin ne’ebe sira halo resenseamentu.
“Tanba sa ami halo sistema ida ne’e, primeiru ita tenke imprime lista de votantes e agora dadaun ita iha ona 5.000 votantes mak sei tuir votasaun iha eleisaun agora. Kada estasaun de votu ita bele iha tolu to lima sentru votasaun, entaun livru sira ne’e ita imprime tau iha kada estasaun de votu ne’ebe ke iha Timor laran tomak. Kada estadaun tenke iha lista naran votantes inklui ho sira nia nomor kartaun eleitoral. Kuandu ita tama ba ita hare naran ho nomor kartaun eleitoral, ne’e duni ita tenke servisu hamutuk,” hateten Staff STAE Pereira.
Nia hatutan katak ema hotu livre atu vota iha ne’ebe deit.
“Ne’e los mas bulletin de votus ita sei aumenta tan persentazen bo’ot ruma hodi tau iha estasaun de votus sira ne’ebe mak iha, tanba kuandu sei iha loron eleisaun mak ema 100 muda ba piknik ruma ba halo elisaun iha fatin ruma iha ne’ebe ita iha bulletin votus la to’o entaun sira la vota tanba votus la to’o. Tanba ne’e maka ho lista ne’ebe mak iha ona bele kontrola ema ne’e hira,” nia esplika.
Iha biban seluk komunidade nebe lakoi hateten sai naran dehan katak nia la konkorda ho pozisaun STAE atu halo votantes tenki vota iha sira nia fatin resenseamentu.
“Hau hanoin hau la konkorda wainhira ita tenki fota iha ita nian distritu idak-idak tanba atrapalha tebes hau nia servisu iha Dili. No hau husi Viqueque kareta mos susar tan,” katak komonidade ne’e.
