“Tinan barak ona iha ne’e, ema barak husu mai ita, osan 2012 ninian um bilhaun setisentus ital, ema barak sei servisu, nune lei ida ne’e mak fo garantia ba ema ida-idak nia direitu hanesan trabalhador,” hateten Prezidente PN de Araujo, iha plenaria PN, Dili, semana kotuk,(13/12).
Prezidente PN de Araujo husu tan atu Komisaun H hamutuk ho nia membrus tomak tenki diskuti lalais hodi aprova atu nune’e bele submete iha parlamentu hodi hetan aprova tan.
“Se bele apoiu nafatin Sekretariu Jeral do Parlamentu Nasional ami fo ona orientasaun atu fo apoiu ba Komisaun H nafatin hodi aprova lei ida ne’e.”
Entertantu Prezidenti Komisaun H, Deputadu Antonio Cardozu hateten katak lolos Lei Kodigo Laboral tana ba plenaria antes Orsamentu Jeral Estadu 2012 tama nune’e atu bele aprova tiha, maibe rejimentu parlamentu nian hateten presiza priense korum.
“Foin dadauk semana liu ba ita feriadu ne’ebe tui-tuir malu. Hau iha ne’e duni tenta mas kolega sira barak hau telefone ba sira iha tiha ona sira nia fatin, distritu no subdistritu,” hateten Deputado Cardozu.
Nia hateten tan katak preokupasaun ida ne’e hasesan fo hanoin hikas ba sira oinsa bele Komisaun diskuti lalais hodi aprova leis ne’e iha tempu badak.
“Ami lisensa ba Senhor Prezidenti para Komisaun H bele sai ona agora atu nune’e oinsa karik bele priense korum bele aprova relatoriu ne’e atu nune’e bele enkamina mai iha parlamentu nasional,” Deputado Cardozo dehan tan.
