Atu haburas liu tan juventude Timor-Leste sira nia kapasidade, Organizasaun Na¬un Govermental (ONG) Haburas Dezenvolvimentu Talento (HADEZTA) fo formasaun ba jovens sira ne’ebe laiha kapasidade atu bele kontinua sira nia estudu iha Universidade.
“Ami atu aumenta tan ami nia programa maibe fatin la dun sufisiente tan ne’e ami la aumeta. Kuandu ami nia edifisio ida hetan tiha inagurasaun husi Embaixada Australia ami sei aumenta tan ami nia programa ne’ebe mak ami rencana tiha ona atu aumenta,” hateten Director HADEZTA, Francisco De Araujo iha nia knar fatin iha Aimutin, Dili.
Tuir Director de Araujo katak durante ne’e sira kapasita ona joventude hamutuk 120 no sira ne’ebe atu simu sertifikadu tan hamutuk 32. Partisipantes mai husi 13 Distritu tuir formasaun iha ne’e.
Director ne’e hatutan tak katak katak programas ne’ebe sira hanorin ba joventude sira mak programa kursu lian English Baziko, Pre intermedio, intermedio no mos iha kursu komputador, no sei inklui mos Jetaun bainhira sira nia edifisio hetan ona inagurasaun
Maske sira nia fasilidade ladun sufisiente ba sira atu bele fo formasaun ida ne’e ba joventude maibe liu husi fundus ki’ik ETCAS sei suporta sira atu bele kontinua sira nia formasaun ne’e ba joventude sira ne’ebe mak la escola no laiha kapasidade atu kontinua ba Universidade.
NGO HAZDETA loke iha 2008 no suporta husi fundus ki’ik ETCAS no mai husi Joventude sira nia inisiativa rasik oinsa mak atu bele hasae liu tan ema nia kapasidade ou talentu liu husi formasaun ne’ebe mak iha.
Total orsamentu ne’ebe fundus ki’ik ETCAS fo ba HAZDETA $20 mil Dollares hodi hadia sira nia edifisio foun ne’ebe mak iha .
Iha parte seluk Domingos Soares lemos nudar komunidade Aimutin hateten katak ho hanoin kria edifisio ida ne’e hodi fo treinamentu hodi fasilita joven sira ne’ebe mak la ba Universidade inisiativa diak.
“Depois husi ne’e sira hetan sertifikadu atu nune’e sira mos bele iha dalan atu buka servisu iha Governo no NGO sira seluk ne’ebe bele sustentable ba sira nia moris. Educasaun diak liu maK tenki kapasita feto-mane labele buka atu halimar deit, labele buka atu lao deit iha estrada,” hatetn komunidade Soares.
