Ministerio Educasaun (ME) liu husi Direksaun Nasi¬onal Curikulum no Avaliasaun autoriza estudantes-feto isin rua atu bele tuir ezame liu liu sira ne’e iha Ensino Secundario desimu-segundo ano tanba sira nia idade hanesan ema adulto ona.
“Ami iha sistema ida katak molok alunus sira iha direitu atu tuir ezame nasional ne’e sira nia naran ami fo sai ona,” hateten Director Nasional Curikulum no Avaliasaun Raimundo Jose Neto iha semana kotuk (23/11), iha Bebonuk, Dili.
Tuir Director Neto, ME la bele halo diskriminasaun ba estudantes-feto ne’ebe issin rua atu bele tuir exame nasional tanba ida ne’e sira nia direito.
“Iha tinan kotuk iha Escola Secundaria Canossa, iha Ossu, Directora da Escola no madre sira tuir etika moral colegio nian dala ruma sira la simo maibe ami konsidera sira transfer fali ba escola seluk e sira halo ezame iha ne’eba ne’e ami la halo deskriminasaun iha ne’eba,” hateten tan Director Neto.
Entertantu Inspector Jeral Adjuntu para inspeccao escolar Evaristu Maria de Jesus hateten katak posizaun ida ne’e laos kona bakontinua escola ka lae maibe atu salva alunus sira ne’ebe isin rua bainhira sira sei halao escola.
Bainhira nia naran tau ona hanesan kandidatu finalista ba ezame nasional mais derepente nio hetan dezastre isin rua entau ezame nasional kuandu lao sira ne’e laos hamutuk iha klasse ofisial maibe halo fatin ketak hanesan iha fali kantor ka escola ka kantor Educasaun.
“Ema ida rua akontese hanesan ne’e ita bolu sira ketak iha fatin proprio para labele phsikolojikamente labele fo influensia ba ne’e durante ne’e akontese,” hateten Inspector Jeral Adjuntu de Jesus.
Nia hatutan katak maske sira nia kondisaun issin rua se sira ba tur exame iha loron ezame sira respeita naftin sira.
