Vela no panchon tarutu iha kapital Dili, populasaun hakfodak

Tuir tradisaun tinan-tinan ihe tempu Natal no tinan foun iha rai laran labarik sira sempre uza vela no panchon atu halo tarut iha estrada klaran. Maibe iha tinan ne’e labarik balun iha kapital laran hahu halo nakfera vela no panchon daudauk ona no ida ne’e halo komunidade balun hakfodak no paniku tanba sei trauma hosi tempu okupasaun Indonesia nian.
Atu prevene problema ne’e sa’e bo’ot liu tan, molok Natal no Tinan Foun, tuir Segundu Komisariu Polisia Nasional Timor Leste (PNTL), Afonso de Jesus, polisia sei kordena ho Ministerio Turismo Comersio Industri (MTCI) hodi halo kontrolu ba loja sira ne’ebe mak kontinua fa’an paison atu nune’e bele preven asidente ruma ne’e akontese.

“Hau hanoin ita buka kondena deit para oinsa buka mekanismo ne’ebe diak para evita labele mosu tan problema,” hateten Komisario De Jesus.
Oras ne’e dadaun polisia Distrital halo hela prevensaun ba aktividade ida ne’e no la kleur tan sei halo kontrola hamutuk ho Ministerio Turismo Comersio Industri (MTCI) para hare asuntu refere atu nune’e labele halo komunidade sira paniko.