Hare ba Servisu sentrais Ministerio Saude (MS) nian iha baze ne’ebe limitadu liu United Nations Children’s Fund (UNICEF) ne’ebe durante ne’e sai lideransa mundu nian ba labarik oferese tansporte ida ba MS atu bele halao monitorizasaun ba Saude Maternal no Saude Infantil iha Timor-Leste.
“Ita hatene katak UNICEF mos sempre supporta Ministerio Saúde ho razaun ida ne’e mak UNICEF oferese kareta Hilux ida atu reforsa servisu sentrais MS nian atu halo monitorizasaun ba saúde Maternal no Saúde Infantil iha baze” dehan Director Geral Ministerio Saúde, Agapito da Silva Soares, foin lalais (14/11) iha edifisio MS, Caicoli Dili.
“UNICEF nia kontribuisaun ne’e hanesan parte komitmentu ida hodi apoia parseiru sira nia kapasidade atu relaiza labarik no feto sira nia direitu,” dehan Reprezentante UNICEF Timor-Leste , Hongwei Goa.
Durante tinan 60 nia laran UNICEF mak lideransa mundu nian ba labarik, halao knar iha nasaun besik 156 no teritorio sira atu ajuda labarik moris iha saudavel no dezenvolve ho diak, hahu husi bebe to’o adolesente. Supporta ne’ebe durante ne’e UNICEF halo mak saude labarik no nutrisaun, bee moos no saniamentu, kualidade edukasaun baziku ba labarik mane ka feto hotu, no protesaun labarik husi violensia.
