Relasiona ho selebrasaun loron Masakre 12 de Novembru no Loron Nasional Joventude nian ba dala 20 ne’ebe monu iha loron 12 de Novembru maibe iha realidade partisipasaun joventude ba dezenvovimentu Nasaun nian sei minimu tanba Joventude iha ezizensia rasik katak falta kampu de servisu no edukasaun ne’ebe minimu.
“Nudar membru governu ne’ebe tutele ba Joventude nian husu ba Joven sira katak primeiru sira nia partisipasaun iha prosesu dezenvolvimentu Nasaun nian mak estabilidade ho espiritu selebrasaun masakre 12 de Novembru espera katak joven sira bele halo reflesaun ida ba sira nia an atu hanoin fila fali susar no terus sira uluk nian liu-liu ita ne’ebe sei moris ne’e it abele kontribui ba dezenvovimentu nasaun nian no buat ne’ebe ita halo primeiru mak kontribui ba paz no estabilidade kuandu la iha paz no estabilidade ita mos la koalia konaba partisipasaun joventude” dehan sekretario Estado Joventude e Desportu (SEJD), Minguel Mantelu, (28/10) iha salaun Enkontru SEDJ, Lecidere Dili.
Tuir lei ne’ebe aprova ona iha parlamentu nasional Lei N 10/2005 katak dia 12 de Novembru sai hanesan loron Nasional Joventude nian.
SEJD hatutan katak osamentu ba selebrasaun loron Nasional Joventude tinan ne’e nian ho montante 140 mil, fundus husi osan ne’ebe iha SEJD tinan kotuk ho montante 120 mil maibe tuir proposta ne’ebe komisaun organizadora hato’o katak osan ne’e la to’o ne’eduni SEJD aprejenta iha konseilu ministerio hetan apoiu husi ministerio estatal ho montante 20 mil. Osanmentu ne’e laos halao selebrasaun iha Distritu Dili deit maibe tuir programa ne’ebe comisaun organizadora hato’o programa sei inplementa iha sub-distritu ho montante 750 dolar kada sub- distritu ne’ebe laos iha kabupaten laran ne’eduni iha 55 sub-Distritu ho osan montante 1.800 dolar (seribu delapan ratus dolar) restu iha Distritu Dili tuir SEJD katak osan iha Dili bo’ot liu tanba masakre 12 De Novembru akontese iha Dili.
SEDJ informa ba TDW katak selebrasaun loron joventude ba dala 20 la iha aktividade desportu ne’ebe especial maibe iha aktividade ne’ebe comisaun organizadora halo mak jogu amizade entre partidus politikus sira, membru governu sira, Membru Parlamentu no Veteranus sira no iha mos aktividade ne’ebe hetan apoiu osamentu husi SEJD halao aktividade desportu iha 13 distritu ho naran desportu komunitaria ne’ebe halao iha 25 fulan kotuk liu ba.
“Husu ba administrador sira katak aktividade desportu komunitaria laiha liga saun ho komemorasaun 12 de Novembru maibe tanba ita halo iha tempu hanesan entau ajusta aktividade sira ne’emos tama ba selebrasaun loron 12 de novembru nian” dehan SEDJ.
Iha lidun seluk joventude Maria Fernandes, rekoinese katak SEJD kada tinan selebra loron nasional ba joventude nian maibe partisipasaun joventude ba dezenvolvimentu nasaun nian sei minimu tanba menus kampu de servisu no edukasaun ne’ebe limitadu.
“Husu ba Membru governu ne’ebe tutele ba Juventude no komisaun organizadora ba serimonia selebrasaun loron Joventude nian atu inplementa programa ho diak liu-liu iha sub-distritu atu nune’e hetan partisipasaun masimu husi joven sira ho ida ne’e sir abele halo reflesaun ba aan hodi hanoin hikas susar no terus ne’ebe uluk joven sira luta ba rai ia ne’e” dehan Joventude Fernandes, (28/10), Bairo Formosa, Dili.
