Taxi privadu kontinua halo sirklulasaun tula no hatun passajeirus maske aksaun ne’e illegal tanba taxi hirak ne’e la iha karta de lisensa husi Diresaun Nasional Transportes Terstres (DNTT).
Maske iha ona regulamentu husi ba transportes publiku hanesan Mikrolet no Taxi maibe realidade ohin loron mak taxi privadu sei halao nafatin operasaun tula no hatun passajeirus.
Tuir Komandante Policia Tranzitu, Inspector Chefe Antonio da Costa Soares, Taxi sira ne’ebe ho xapa privadu maibe halo fali sirkulasaun ida ne’e konsidera illegal tanba laiha karta de lisensa.
“Hau hanoin taxi ne’ebe la iha karta de liesensa halo movimentu waihira policia halo operasaun mak heta sira sei hetan sansaun tuir lei haruka,” hateten Inspector Xefe Soares, semana kotuk, iha Dili.
Iha parte seluk, Chefe Departamentu Operasional DNTT, Maria Atonia Vito, informa katak taxi sira ne’ebe xapa privadu maibe halo fali sirkulasaun hodi tula pasaseirus ida ne’e illegal no DNTT sei hala’o operasaun konjunta ho policia tranzitu hodi hare’e kona-ba kestaun sira ne’e.
Nia apela ba taxi sira ne’ebe kontinua halo’o movimentu maibe la iha karta de lisensa ida ne’e kontra ona Diploma Ministerial Lei No. 05/2010 ne’ebe kolia kona-ba dixiplina ba atividade transporte publiku passeirus nian ho modalidade taxi.
Entretantu Carlito da Cruz Pinto hanesan kondutor taxi ho lisensa tomak sente triste ho taxi sira privadu ne’ebe ho illegal bele inpata ba sira nia movimentu hodi bele buka osan.
Nia mos husu DNTT atu bele hare’e ba kestaun ne’e.
