Maske nune’e,tuir Xefe Estadu presiza iha konkordansia entre lideransa husi nasaun rua Timor-leste no Indonezia.
” Embaixada Indonezia mos kontente loos e sira hakarak kolabora para halo tour bo’ot liu tan, ne’e duni ita hare halo to’o iha Kupang, maibe tenke hahu kedas preparasaun, tanba problema lojistika ne’e bo’ot loos tau seguransa rai rua nian, lojistika rai rua nian depois mos iha fronteira iha imigrasaun buat sira ne’e hotu,”hateten Presidente Ramos Horta semana kotuk (16/09) iha Palasiu Nicolao Lobato,Lanud Dili.
Tuir Premiadu Nobel da Paz ne’e katak, Tour Internasional ne’e hanesan atividade ida hodi komemora loron historiku Timor-leste nian.
“Loron historiku ne’e mak hanesan aniversariu restaurasaun da indendendesia Timor-Leste, tinan atus ida funu Alas-Manufahi, aniversariu tinan 450 misionarius Portuguesa tama iha Lifau-Oecusse no mos eleisaun jeral ba Presidensial no Parlamentar,”nia katak.
Xefe Estadu espera katak, liu husi eventu Tour Internasional ne’e bele kria unidade no estabilidade entre nasaun rua hodi hametin liu tan paz.
Horta afirma,eventu importante bo’ot ne’e komesa influensa siklista nasional no internasional sira atu partisipa.
Entretantu siklista internasional husi Australia ne’ebe sai vensedor iha Tour de Timor foin dadauk (11-16/09) Luke Fetch promote katak nia prontu nafatin atu partisipa iha eventu Tour de Timor tinan oin hodi mantein nia titlu.
Iha fatin hanesan, siklista Timor Oan Francelina Cabral ne’ebe sai vensedora iha primeira ekipa nasional feto nian hateten nia mos prontu atu partisipa toru bisikleta iha tinan oin.
“Ezatamente hau hakarak partisipa tan, la’os hau mesak, konvida mos kolega sira seluk feto ho mane aumenta liu tan hodi harame liu tan eventu ne’e,”nia dehan.
Iha final Tour de Timor, Xefe Estadu fó parabens ba vensedor nasional no internasional no konsideira Tour de Timor ne’e fó impaktu ba desportu, turismu no establidade pozitivu ba Timor Leste.
” Hau hateten populasaun tomak Timor-Leste parabens, hau hanoin hau nia objetivu atu hasa’e Timor nia naran iha mundu, e objetivu ne’e konsegue sai duni sem por cento, hau kontente teb-tebes primeiro nudar Timor oan nudar presidente performens ita nia atletas sira, sira nia treinador senhor Nelson hateten hakfodak los sira nia qualidade no keta haluha ke iha ne’e só terseira vês maka sira partisipa balun primeira vês e kada tinan di’ak liu tan, di’ak liu tan,” nia esperansa.
Luis Felipe, nudar estudante husi Eskola Sekundaria 5 de Maiu Becora, Dili, hateten eventu hanesan Tour de Timor ne’e importante nune’e nasaun foun ne’e dezenvolve liu tan.
“Hau sente kontente tanba eventu ne’e rame tebes no tour bisicleta ne’e alende ita Timor Oan mos partisipa husi ema estrageirus sira,”nia dehan.
