“Polisia Imigrasaun, Beacukai no Polisia Fronteira tenke kontrola ema tama sai no tenke hola medidas maka’as ba sira ne’ebe lori droga ne’e tanba ne’e krimi,”hateten Deputadu Domingos Sarmento, semana kotuk (05/09) iha PN.
Tuir nia, Polisia Fronteira (BPU) presiza kontrola maka’as ba area fronteira ne’ebe luan tebes no ema barak mak tama mai.
“Atu prevene buat ne’e ,estadu liu husi governu no mos igreja halo prevensaun ba juventude sira ,liu husi formasaun moral atu labele uza droga sira ne’e,”eis Ministru Justisa ne’e husu.
Sarmentu mos husu ba inan-aman sira atu eduka oan sira ho diak iha uma laran nune’e sira labele monu ba droga tanba bele afeita ba sira nia moris, estraga sira nia mental no moral.
