“Hau koalia ona ho governu local ho Xefe suku Camea atu muda tiha komunidade sira ne’ebe okupa terminal e ami mos hato’o ona ba iha Administrador sub-distritu Cristo Rei hodi hare ba fatin ne’e,” informa Joao Eugenio C.da Silva, semana kotuk iha Balide,Dili.
Tuir nia, la’os deit ba bis nian maibe mos ba mikrolet 01 no 02 nia fatin mos klo’ot liu e presiza tau atensaun.
“Terminal Becora presiza hadia, tau alkatraun tanba alkatraun ate agora seidauk iha e casa de banhu iha ona so presiza hadia tan iha laran,”nia dehan.
Iha sorin seluk pasajeiru ne’ebe hein hela bis atu ba Baucau, Adozinda Xavier Neto, sente triste ho attitude konjak sira ne’ebe hadau malu pasajeiru bainhira to’o iha terminal.
“Bainhira ita tun iha taxi, konjak sira hadau malu ita nia sasan e dalaruma sira rasta deit ami ba sa’e sira nia bis, hau hanoin ida ne’e ladun diak,”nia preokupa.
Tanba ne’e nia parte husu ba Ministeriu kompetente atu hare kestaun ne’e nune’e sira labele hadau malu pasajeiru sira. “Diak liu mak pasang ret deit hanesan uluk, atu nune’e konjak sira labele hadau malu penumpang,”nia sujere.
Maske kondisaun terminal sira iha Dili laran ladun diak maibe parte DNTT labele halo buat ida sein iha orsamentu.
