Komando Polisia Munisipiu Dili konsege rejistu kazu krime hamutuk 112 durante fulan Marsu nia laran, husi postu administrativu Dom Aleixo mak aas liu (61 kazu).
Segundo Komandante Munisipio Dili Superientendente Asistente Euclides Belo hateten tuir mai mak Cristo Rei ho total krime 22, Vera Cruz total krime 15, Nain Feto 12 no Atauro 2.
Nia hateten, rejistu bo’ot liu mak krime ofensa ba integridadefizika simples, tuir fali mak explorasaun jogu illegal, atividade jogo illegal ne’ebe laiha lisensa kontra lei kodigo penal 322, kuando identifika polisia sei kabtura autor lori ba detein tuir prosedimento legal ne’ebe lei determina.
Nia dehan, tuir fali mak ka kazu furtu agravadu (na’ok) ne’ebe rezistu iha fulan Marsu ne’e hamutuk 11 inklui na’ok motor, tuir fali kazu amiasa rezistu hamutuk 7 iha fulan Marsu ne’e.
“Kazu sira ne’e konsidera kazu ne’ebe mak mais seriu liu, nia estatutu investigasaun ne’e Komando PNTL munisipiu Dili halo investigasuan ne’e hamutuk 89 maka seksaun investigasaun kriminal halo prosesu,” nia dehan.
Nia dehan, hosi 89 ne’e investigasaun ne’ebe kompletu 50 % ne’e iha 32 mak kompleta, katak vitima, suspeito no sasin sira fo sasin kompletu ba tipu kazu ne’e mak atinji 32 kazu ne’e kompletu ona iha prosesu investigasaun.
Maibe, nia dehan iha kazu 10 mak mak suspeito, vitima, seidauk fo deklarasaun, seidauk kompara ho prosesu, tanba ne’e SIK halo relatorio interkala ba ministerio publiku no ba hirarkia komando katak kazu 10 ne’e nia relatorio interkala deit.
Nia informa, tan kona ba kazu retira ne’ebe rezisto iha fulan marsu ne’e hamutuk 6 tanba parte parte vitima sente katak relasaun husi parte rua ne’e familia, tanba ne’e seksaun investigasaun kriminal sempre reseita ba ministerio, no parte rua halo akordo no deklarasaun hodi retira.
“Agora kazu ne’ebe sei ativu iha Polisia nia liman ne’e iha 41 tipu kazus, espera katak parte vitima no suspeito no sasin sira sei komparese para prosesu sira ne’e bele lao ba oin,” Belo dehan.
Kuandu iha futuru mak vitima no suspeitu sira repete fila fali aktu ne’e, nia dehan Polisia sei loke fila-fali tipu krime ne’ebe mak rezistu ona para hodi prosesa.
Entretanto komunidade Paulo Sarmento hateten, kona ba kazu ria ne’ebe akontese iha rai laran ne’e polisia tenke, tau atensaun maka’as hodi kontrola tanba ida ne’e sira nia knar.
“ Husu ba polisia, kuando ema ruma komete iha kazu, bainhira detekta hetan keta husik sira livre, tenke lori ba prosesu tuir lei ne’ebe mak iha,” nia sujere.
