Ema atus ba atus mai selebra musica no kultura iha Festa Musika ou Fete de la Musique ba dala uluk iha Timor-Leste.
Fete de la Musique ne’e ba dala uluk hahu iha Fransa iha tinan 1982, no ohin loron konsertu musika hatudu ona iha kuaze 108 nasaun resin iha mundu.
Ida ne’e ba dala uluk Dili sai uma nain ba eventu ne’e, ne’ebe selebra tinan-tinan iha dia 21 de Junu iha kuaze 700 sidade.
Banda musika rua nolu resin lima (25) ne’ebe sae palku iha Casa Europa kuaze hosi Dili maibe act hosi rai liur no banda musika sira hosi distritu mos hola parte iha eventu ne’e.
Ami senti orgollo ba Uniaun Europeia ne’ebe lori Fete de la Musica ne’e mai Timor,” embasador Uni Eropeia Sylive Tabesse hatete.
“Musika ne’e international,” nia dehan. “Laiha diferensia ba rasa, religiaun. Ita hotu iha sentimentu ne’ebe hanesan ba musika, ne’ebe ida ne’e kapas atu hotu-hotu senti hamutuk kultura Europeia no rai seluk nian, i Timor-Leste bele lori kultura sira ne’e ba mundu tomak”.
Seremonia kalan ne’e organiza hosi kolaborasaun entre governu Timor-Leste, Uniaun Eurpeia, Institutu Francais nomos evecom.
Eventu gratuita hahu hosi tuku nen to’o kalan boot no iha tempu ne’e ema han, hemu nomos rona musika.
“Eventu ne’e nakloke ba ema hotu, ne’ebe se deit bele mai no selebra. Ita espera katak ida ne’e hanesan primeru sesaun no sai hanesan buat ida maka ita selebra tinan-tinan.”
Artista ida naran Yohan Trombeta, hateten katak nia sente kontente ba eventu sira oin mai.
“Musika importante iha Timor, ema barak iha tempu ba sira nia an. Ida ne’e hanesan tempu pasadu ida ne’ebe furak los.”
”Ne’e signifika buat barak ba ita nia spiritu, fo sentimentu kona-ba se mak o no o nia relasaun ba natureza atu fo buat ruma positivu ba o ho onia kolega sira atu halo.”
Trombeta, ema americanu ne’be hela iha Timor durante tinan sanolu resin hat hateten katak nia sente kontente hare ba arte ne’ebe komunidade sira proteje.
Liu hosi musika ita bele komprende diferensia sira ne’e, no ida ne’e bele tulun promove dame iha dalan barak,”
