Ministeriu Edukasaun (ME) hamutuk ho organizasaun internasional UNESCO iha ona planu atu loke laboratorium ba eskola ensino baziku iha distritu tomak iha rai laran, nune’e estudante sir abele asesu ba.
Vise Ministra Edukasaun, Dulce de Jesus Soares, hateten planu ida ne’e sei realize iha tinan ida ne’e (2014) nia laran.
“Ita espera katak bele realija, atu nune’e ita nia estudante sira estuda ho diak,” Vise Ministra Soares esperansa, iha Parlamentu Nasional.
Iha sorin seluk Deputadu Komisaun F (edukasaun ,saude, kultura, veteranus no igualdade jeneru),Virgilio Hornai, espera mos katak ho orsamentu ne’ebe iha, ME koopera ho Ajensia Dezenvolvementu Nasional (AND) hodi rehabillita mos kondisaun eskolas iha rai laran ne’ebe la favoravel ona.
“Eskola tenke iha kondisaun ida, atu nune’e hala’o aprendizajen ho diak,” Deputadu Hornai sujere.
Prezidente Komisaun F ne’e, dehan, fiskalijasaun ne’ebe Komisaun F halo iha eskola sira nota katak kondisaun minimu hanesan laboratorium iha eskola mos la iha.
“Estudante siensia eksata, sira tenke iha laboratorium para estudante sira bele halo pratika experiment iha ne’eba,”nia rekomenda.
Alende ne’e nia dehan, tenke integra mos fasilidades hanesan,dapur ba merenda eskolar,sintina,inklui ekipamentus laboratorium, atu nune’e estudante bele asesu.
