Prezidente Grupu Feto Parlamentar Timor –Leste (GMPTL), Josefa Alvares Pereira Soares, hateten problema uma laran ne’ebe rezulta estraga sasan ne’e kategoria krimi publiku no tenke prosesa tuir dalan formal.
Nia esplika, krimi violensia domestika iha forma hat ; mak violensia fiziku, psikolojia, seksual no vilensia ekonomia inklui la fo konfiansa ba feen (maneja osan) mos krimi, no estraga sasan ne’e kategoria violensia ekonomia.
“Ne’e krime publiku, se mak sa vitima nia bele hato’o keixa,” Deputada Pereira hateten, iha Parlamentu Nasional.
Nia dehan, ne’e realidade,bainhira mane halom problema iha uma laran, sira buka estraga feto sasan hanesan korente, dokumentus ruma ne’ebe bele hadia feto nia moris iha future.
Entretantu Sekretaria Estado ba Promosaun Igualidade (SEPI), Idelta Maria Rodrigues, hateten krime violensia domestiku iha tipu hat, presiza defini lai kazu ne’e, se tama iha tipu violensia hat ne’e, ministerio kompotente mak sei julga.
“Kuandu vitima ida sente la seguru, problemas barak maibe oinsa tanba ita tenke difini ba tipu violensia domestika ida ne’ebe no ministerio kompotente mak sei julga no hateten tama iha krime kodigu penal ou prosesu sivil,” nia dehan.
