Komunidade suku Samalari, sub-distritu Baucau Vila, distritu Baucau husu ba Ministeriu Agrikultura no Peskas (MAP) atu hadia sira nia irigasaun ne’ebe mak at dadaun ona.
Deputada Anna Ribeiro, hateten maioria povu iha suku Samalari moris ho vida agrikultura no agora dadaun komunidade sira preokupa maka’as tanba sira nia irigasaun at.
“Husu ba governu atu hadia tiha irigasaun iha fatin refere, tanba populasaun iha suku ne’e en jeral moris ho vida agrikultura,” Deputada Ribeiro sujere, iha Parlamentu Nasional.
Nia dehan, kada tinan orsamentu ne’ebe maka aloka ba Ministeriu Agrikultura e Peskas ne’e atu hare ba kestaun sira ne’e, maibe realidade povu sei halerik bebeik.
“Oinsa maka produsaun haree bele iha rezultadu diak, kuandu sasan baziku hanesan ne’e seidauk bele resolve, nia preokupa.
Hatan ba kestaun ne’e, Ministru Agrikultura no Peskas, Mariano Asanami Sabino, katak sira iha ona planu atu halo irigasaun iha fatin lubuk ida.
“Maibe orsamentu mak limitadu, ita la koloka orsamentu emergensia ba irigasaun, mais ami sei hare oinsa ba future ami sei apoiu,” Ministru Asanami dehan.
Nia hatutan, importante maka iha proposta ne’ebe klaru, nune’e ministeriu bele tau antensaun ba kestaun ne’e.
