Internasional Republic Institute (IRI) hala’o programa ‘rona povu nia lian’ iha distritu Baucau, hodi rona povu nia preokupasaun no problema ne’ebe sira infrenta durante ne’e iha baze.
Programa rona povu nia lian ne’ebe involve mos membru Parlamentu Nasional ne’ebe sai orador no sai mos reprezentante povu iha Uma Fukun PN, hodi rona direitamente povu nia terus no susar iha baze.
Iha programa ne’e, komunidade sira hato’o sira nia preokupsaun barak liu kona ba nesesidade baziku hanesan bee moos, eletrisidade ne’ebe maka iha suku balun lakan ona 24 oras, maibe iha suku balun seidauk,
Enkuantu komunidade balun mos preokupa ho infraestrutura hanesan estradas, tanba estradas iha suku laran inklui estrada nasional barak mak sei at hela.
Tuir Senior Program Officer IRI, Carlito Nunes, hateten programan ne’e halo ba dala hitu ona inklui ho iha distritu Baucau ne’e.
“Programa ne’e halo atu nune’e deputadu sira bele direitamente rona prekupasaun povu iha distritu baucau, no deputadu sir abele ba hato’o ba Governu atu toma atensaun” dehan Senior Program Officer Internasional Republik Institute (IRIH) Karlito Nunes, iha baucau.
Nia mos hatutan, Programa ne’e halo ba oras rua deit, klaru ce iha povu barak lamenta maibe, tenke halo hanesan ne’e duni, atu nune’e forum publiku ne’e bele efectivu, no interaktivu liu.
“ kaundu loron ida tomak, sira hato’o sira nia lamentasaun antaun ba oin Laiha hanoin ona, no laiha ambisioza atu hasoru deputadu sira ne’e,” dehan Senior Officer Nunes.
Iha fatin hanesan Deputadu Fransisko Da Costa hateten, liu husi program ne’e deputadu sira hatene lolos durante ne’e saida maka nudar prekupasaun povu nian iha baze.
“ba problema, no prekupasaun sira ne’e ami sei hato’o iha plenaria atu nune’e Secretariadu Estadu asuntu parlamentu bele hato’o ba Ministeriu relevante, atu toma atensaun” dehan Fransisko Da Costa.
Iha fatin hanesan Komonidade Agustu Belo hateten, Programa ne’e diak tebes, tanba bele hasoru deretamente Reprezentante povu iha Parlamentu Nasional atu bele rona povu nia prekupasaun, espera katak povu nia prekupasaun sira ne’e bele hetan nia rejultadu diak.
