Institutu Republikanu Internasional kontinua halo’o programa rona povu nia lian iha distritu Ermera, ho objetivu atu rona povu nia preokupasaun iha baze.
Iha Programa ne’e Institutu Republikanu Internasional (IRI) fasilita Deputadu husi partidu hat kompostu husi Partidu Congresu Nasional Reconstruksaun Timor-Leste (CNRT), Frente Revolusionariu Timor Leste Independete (Fretilin), Frente Mudansa, no Partidu Domokratiku (PD).
Tuir Senior Program Officer IRI Karlito Nunes hateten, programa ne’e halo ho objetivu atu membru parlamentu bele rona eleitor sira sira nain lian deretamente.
“Hodi hatene povu nia preokupasaun, buka dalan atu fo solusaun ba povu nia preokupasaun,” dehan Senior Program Officer IRI, Carlito Nunes, iha Ermera.
Nia hatutan, antes halo iha Ermera durante ne’e program hanesan halo ona iha distritu hat kompostu husi distritu Manatuto, Bobonaro, Manufahi no distritu Lautem, no sei realiza iha teritoriu tomak.
Entretantu Deputadu Aurelio Freitas Ribeiro, hateten programa ida ne’e iha duni nia valor, tanba deputadu sira bele rona direitamente saida maka nudar preokupasaun povu nian.
“Programa ne’e diak, ami rona kedas saida maka sai nudar sira nia ejizensia, baa mi kestaun sira hanesan importante tebes,” dehan Deputadu Ribeiro katak.
Deputadu ne’e sujere ba IRI atu bele fasilita aktvidade sira hanesan ne’e iha teritoriu Timor laran tomak.
Iha lidun seluk komunidade Bendito Amaral, hateten programa ne’e diak duni, maibe tempu ne’e mak limitadu liu, iha povu barak mak sei hakarak hato’o sira nia lamentasoens maibe tanba tempu sira mos sai baruk tiha deit.
