Ministeriu Obras Publiku kontinua la halo manutensaun ba pontes no estradas, tanba ne’e Membru Parlamentu Nasional husu ba sira atu tau atensaun ba asuntu ne’e.
Deputadu Mateus de Jesus, hateten orsamentu ba halo manutensaun ne’e iha, tanba ne’e laiha razaun katak la halo manutensaun.
Nia hato’o kestaun ne’e, tanba uluk governu promesa ona atu halo manutensaun ba obra sira ne’e, maibe to’o agora seidauk realize.
“Manutensaun ne’e presiza duni,sela’e bele at lalais,” Deputadu de Jesus dehan, iha Parlamentu Nasional.
Hatan ba preokupasaun ne’e Sekretariu Estadu Obras Publiku (SEOP), Luis vaz Rodrigues, hateten sira halo manutensaun ho rutina ba ponte no estradas sira.
“Kompania sira sei hala’o hela prosesu tenderizasaun tuir kriteriu no sistema ne’ebe maka iha,” SE Rodrigues dehan, iha Mandarin, Dili.
Nia hatutan, tinan ida ne’e bele halo ona manutensaun tanba nia proseu la’o hela no karik la kleur tan.
“Halo manutesaun ne’e ba obra sira ne’ebe maka iha 13 distritu hotu,” SE Rodrigues ne’e katak.
