“Objetivu mak atu hatene no sukat problema ne’ebe hasoru no intervensaun ne’ebe durante ne’e hala’o to’o iha ne’ebe, saida mak sei halo iha futuru atu garantia asesu nutrisaun iha rai laran,” dehan Xefe Departamentu Nutrisaun Ministeriu Saúde, João Bosco, (30/01), iha Hotel Timor.
Durante ne’e ministeriu halo ona intervensaun lubuk ida atu kombate mal nutrisaun iha rai laran maibe laiha estatistika ne’ebe los tanba bazeia ba estatistika mak bele hatene progresu ne’ebe halo ona no saida mak presiza hatama iha planu estrategia atu kombate situasaun ne’e iha rai laran.
Tuir planu Ministeriu Saúde servisu hamutuk ho parseirus sira sei bolu mos ekipa peskiza husi Indonezia (Sameo) koopera ho ekipa Timor oan sira atu hala’o survey ne’e, nune’e
Timor –Leste mos bele iha dadus ida kona ba asesu ba nutrisaun.
Iha lidun seluk, Prezidente Komisaun F Parlamentar, ne’ebe trata asuntu Saúde, Edukasaun, Igualidade Jeneru, Deputadu Virgilio Hornai konkorda ho planu MS nian ne’e maibe importante mak sektorais sira tenke kria politika no programa ne’ebe diak.
“Ita atu redus mal nutrisaun, primeiru ita tenke tau orsamentu ne’ebe sufsiente ba merenda eskolar atu hola aihan ne’ebe garantia nia nutrisaun, estatistika ita bele halo maibe ita nia politika mos tenke koresponde ba data ne’ebe iha, se la’e sei la fo solusaun ne’ebe diak ba mal nutrisaun,” Deputadu ne’e sujere.
