“Uluk hetan apoiu husi TLPDP kareta land cruser rua, ida iha operasional no ida fali mak mantein iha VPU, maibe ida ne’e seidauk sufsiente para atu hala’o sira nia servisu, tanba kazu tama ne’e barak no akontese iha fatin ne’ebe maka diferente,” dehan Xefe Servisu Investigasaun Criminal (SIC), Inspector Angelo Quelo, (23/01), iha Kaikoli, Dili.
Alem de ne’e, Vulnerable Personal Unit (VPU) mos hetan apoia kareta husi governu, kada distritu hetan kareta ida, maibe hare ba volume servisu ne’ebe kada loron aumenta, entaun kareta hirak ne’e la to’o.
“Durante ne’e ita hare ba volume sevisu distritu nian kazu jeral deit, ladun espesifiku liu katak VPU maka tenkeser uza duni kareta ne’e, maibe sira kolabora ho investigador sira seluk hodi uza hamutuk,” tenik Xefe SIC ne’e.
Tanba ne’e nia husu ba governu atu aumenta tan transporte ba servisu VPU nian, se bele kada distritu iha kareta rua ka tolu hanesan ne’e nune’e bele fasilita sira nia servisu ho diak liu tan.
“Ami nia komando iha planu atu aumenta tan transporte ba iha VPU ne’e diak liu tan, tanba dala barak faila atu lori vitima husi distritu to’o mai iha ne’e, no wainhira kareta ne’e at entaun ita labele halo buat ida,” dehan Comandante Quelo.
Iha lidun seluk Deputada Ana da Conceicao Ribeiro hateten, kareta ba VPU importante nune’e sir abele atende vitima sira ho diak liu tan.
“Uluk governu suporta ona kareta balun, maibe karik seidauk to’o, presiza aumenta,” dehan Deputada Ribeiro.
Tanba tuir nia, vitima tantu ba Violensia Domestika ou ema vulneravel sira, iha direitu atu asesu ba seguransa oinsa iha institusaun ida bele proteje sira, ne’ebe presiza toma atensaun ba ida ne’e.
