“Folin ne’e ita depende ba buat kuantidade ne’ebe eziste iha rai laran,agora dadauk ne’e ita nia importasaun mai husi pertamina hotu, depois pertamina mak sai distributor ba sira seluk hotu,” dehan Ministru Komersiu Industria e Ambiente, Antonio da Conceicao,(21/01),iha Dili.
Nia dehan, agora dadaun kompania ne’ebe halo importasaun mina mai Timor-Leste mak uniku kompania Pertamina husi Indonezia maibe sei iha oportunidade troka ba emprezariu seluk hodi lori mina mai rai laran.
“Hanesan Korea ne’ebe halo hela dadauk promesa hela ba Timor atu halo tesik ba Pilila,uluk ne’e iha alternativa ida sira hatama mina maibe imi hare iha tinan lima iha governu kotuk kompania ne’e mos bankrut tiha(osan la iha),” dehan Ministru ne’e.
Alende ne’e Deputadu Francisco Branco sublina katak, folin mina sae tanba impaktu husi folin iha merkadu internasional ne’ebe mak mina folin tun-sae.
“Hau hateten halo subsidiu ba mina para nia folin tun tanba durante ne’e ita la halo ida,” Deputadu Branco sujere.
Deputadu ne’e sujere diak liu Governu harii armajen ida atu tau mina nian, atu nune’e labele akontese mina derepenti hotu folin mina sae arbiru.
