“Ezemplu hanesan laboratorium, livrus, meja-kadeira no seluk tan ne’ebe bele fasilita labarik sir abele estuda ho diak,” hateten Program Manajer TLCE, David Bendito da Silva,iha Becora, Dili, foin lalais ne’e.
Nia dehan, durante eskola sira la iha biblioteka wainhira estudante sira tempu rekreu la iha biblioteka atu fasilita estudante sira hodi le’e livrus sira.
“Durante ne’e ami mos halo video barak kona ba fasilidades no kondisaun eskolas e video ne’e ami atu distribui ba ami nia parseiru sira, agora dadaun ami lori hela ba iha ne’eba,” tenik Program Manager TLCE ne’e.
Nia hatutan, eskolas privadu iha kondisaun diak liu kompara ho eskolas publiku inklui fasilidades eskola ne’ebe kompletu enkuantu eskola publiku menus liu.
“Eskola Swasta sira kompletu, Profesor mos kompletu, Biblioteka no buat hotu-hotu ita hare kapas,” Nia kompara.
“Ami mos foti foto balun iha Lospalos kona ba kondisaun eskola sira iha ne’eba wainhira ami halo sosializasaun EFA iha Lautem kuaze eskola grave,” Program Manager TLCE ne’e katak.
Iha fatin hanesan Deputadu Paulino Monteiro Soares Babo, dehan tuir lolos kondisaun eskola publiku nian mak diak liu eskola swasta tanba eskola publiku asset estadu nian.
“Maibe ita hare fizikamente ita hare ho matan katak, iha ne’ebe-ne’ebe deit eskola privadu mak diak liu fali,” Deputadu ne’e dehan.
Tuir nia, eskola publiku buat hotu falta tanba manajementu ladun diak. “ita fila fali ba manajamentu ema ida-idak nian,nia iha kapasidade atu jere, husi diretor rasik hanoin diak hodi mudansa ba eskola ne’e,” Deputadu ne’e katak.
Deputadu ne’e akresenta katak, eskola ida atu la’o ba oin Diretor sira mak tenke esforsu maka’as hodi jere didiak.
“Nia la’os hein deit Governu mak fo mais dalaruma nia hetan lobi-lobi nasaun seluk para hetan ajudus ruma iha ne’eba,” Deputadu ne’e sujere.
