“Ita identifika ona ema nain sanulu resin ida, liu-liu iha kapital Dili no iha distritu Lospalos ema na’in tolu,e nain tolu ne’e aprezenta ona ba Ministeriu Publiku, no agora dadaun polisia sei buka hela evidensia,” hateten Komdante Operasional, Superintendente Xefe Armando Monteiro, (30/07), hafoin asiste serimonia tomada de pose ba Deputadu foun sira, iha Uma Fukun, Dili.
PNTL kontinua esforsu hodi buka tuir autor ne’ebe maka halo buat sira ne’e,no tenke responsabiliza ba hahalok ne’ebe maka sira komete.
Entertantu Deputadu Inacio Moreira,hateten sidadaun hotu ne’ebe maka komete krimi, tenke hetan investigasaun husi PNTL.
“Polisia tenke halo nia knar ho didiak, no tenke hetan duni autor ne’ebe maka komete ona iha kondisaun ne’e, tanba hahalok hanesan ne’e, ita determina hanesan krimi ida, tenke responsabilidade,” dehan Deputadu Moreira.
Deputadu ne’e mos husu ba PNTL atu bele hatene motive saida maka ema sira ne’e sunu uma hirak ne’e.
