Tanba falta de moru protesaun, komunidade sira kesi sira nia animal iha kompleks Eskola Sekundaria numeru 04 de Setembru UNAMET Balide, e situasaun ida ne’e fo impaktu ba prosesu aprendijazen alunus sira.
“Komunidade sira ne’ebe hela besik iha eskola ne’e kesi sira nia animal iha halaman eskola inklui halimar joga bola iha ne’e tanba laiha moru,” hateten Profesor Agostinho Oliveira Pinto, (26/07), iha Balide, Dili.
Asuntu ne’e parte eskola hato’o ona ba iha Ministeriu Edukasaun (ME), maibe seidauk iha resposta to’o agora
“Ami halo enkontru tiha ho autoridade local, e ami mos hato’o tiha ona maibe sira nia respostas ate agora laiha,” Profesor Pinto dehan.
Iha sorin seluk Sekretariu Jeral Sindikatu Profesores Timor Leste, (SPTL) Francisco da Silva Fernandes katak, problema ida ne’e la’os deit akontese ba eskola ida deit, maibe kuazxe ke eskola hotu iha Dili laran.
“Tanba ne’e Ministeriu Edukasaun tenke iha planu ida ke propriu ba eskola publiku sira halo moru haleu para estudante sira toman tuir tempu ne’ebe mak eskola marka,” sujere SekJer.SPTL ne’e.
