“Kompania barak mak la halo tuir regulamentu ne’ebe governu fo sai tanba uluk governu fo sai kada fulan US$85 maibe sira selu ami fulan ida US$75 maske ami tama tuir oras ne’ebe iha tuku 8 dader to’o tuku 5: 30 lokraik, ami sente la sufsiente ba ami nia moris tanba sasan agora iha merkadu mos folin karun inklui mos transporte publiku ne’ebe ho tarifa 25 centavus,” preokupa Trabalhadora Josefa Fernandes, iha Dili.
Tanba ne’e nia husu ba governu atu aselera prosesu sosializasaun kona ba lei kodigu laboral foun ne’ebe iha, nune’e patraun loja nian hatene e governu iha obrigasaun atu halo monitorizasaun ba implementasaun lei ne’e banhira imlementa ona.
Iha parte seluk Sekretariu Estadu Formasaun Profesional e Empregu (SEFOPE), Bendito Freitas dehan, tuir regulamentu implementasaun ba salario minimu ne’e hahu iha loron 22 de Junho maibe seidauk implementa ho diak tanba sei iha prosesu sosializasaun.
“Ita labele koalia liu ba iha nivel edukasaun, ita koalia kona ba salario minimu katak trabalhadores ida nia servisu kleur ona iha empreza ida se nia tama mak salario US $ 85, hau hanoin katak tempu to’o ona atu hadia, ita tenke fo valor tanba sira la’os makina ne’eduni trata sira ho respeitu,” dehan SE Freitas.
Nia hatutan, lolos Ekipa Inspektur du Trabalhu hahu halo ona sosializasaun maibe tanba ema hotu sei preokupa ho eleisaun parlamentar nian, entaun adia mas sosializsaun tripartida (Governu, Emprezariu no Konfederasaun Sindikatu Timor-Leste (KSTL) nafatin la’o.
