Ministru Edukasaun (ME) halo ultimo enkontru ho Comisaun Nasional Edukasaun Catolika Timor-Leste (CONECTIL), prepara aan antes sira nia mandatu remata, hodi pasa ba iha Ministru Edukasaun foun mai, hodi kontinua servisu hamutuk ho sira.
“Hau aproveita konvida Prezidente CONECTIL para antes de remata fulan Julhu klaran hanesan ne’e molok governo foun mai ultima reuniaun, bele prepara akta hotu-hotu hodi pasa ba ministro foun mai e hanesan kontinuidade kona ba servisu ne’ebe maka halo ona entre ministeriu edukasaun ho CONECTIL,”dehan Ministru Edukasaun, Joao Cancio Freitas, (22/6), iha Salaun Diocese Baucau.
Tuir Ministru Freitas katak, Eskola Katoliku entermos de Ensinu Báziku barak teb-tebes, e sira durante ne’e tuir duni lei ne’ebe mak iha (implementa nove anos eskolaridade), tanba ne’e estadu kontinua tau matan ba sira, maske ho limitasoens oi-oin. “Ita fahe ba hotu-hotu,”.
Iha fatin hanesan Bispo Diocese Baucau, Dom Basilio do Nascimento hateten enkontru ne’e ho objetivu oinsa maka governo hare ba ensino privado um melhor ne’ebe instituisoens privadas liu-liu uma kreda katolikas nian fo, tanba durante ne’e laiha informasaun fo ba malu.
“Ne’ebe iha biban ida ne’e aproveita hodi simu esklaresimentu balu husi uma kreda ne’ebe halo kordenasaunn ida liu husi CONECTIL ne’e duni organismu ida ne’e maka sai ona reprezentante uma kreda nian hodi kordena ensino liu husi igreja católicas e organismu ida ne’e maka sai ona reprezentante konaba interesse uma kreda nian konaba ensino iha governo nian oin nebe hari’i iha tinan hirak liu ba,” dehan Bispo Dom Nascimento.
