“Ami fo apoiu tekniku, ekipamentus, apoiu orsamentu no hatutan doadores sira nia suporta, sira ne’ebe mak pasa liu husi Caritas atu desporta komunidade sira iha area remotas, rurais atu bele heta sustentabilidade alimentar ba familia,” hateten Diretor Caritas Australia iha Distritu Baucau Padre Mario de Carvalho Soares, (29/06), iha Baucau.
Tuir nia, apoiu ida ne’e importante ba sira,nune’e bele hasa’e sira nia produsaun ho kualidade ne’ebe mak diak.
“Sira laiha kapasidade atu hetan produsaun ne’ebe diak, sira laiha tekniku, financial, tanba ita uza sistema agrikultura tradisional, ne’e defisil atu hetan produsaun ho kualidade,” dehan tan Diretor ne’e.
“Ami mos fo tulun ba ema invalidu sira, sira moras presiza apoiu emergensia ruma, hanesan moras lepra, alezadus sira, no vitima dezastre naturais, sira ne’e mos inkapasidade fisiku, inkapasidade ekonomia, sira ne’e sai prioridade atu fo atensaun iha obra sosial sira iha uma kreda nian,” dehan Diretor ne’e.
Distritu hat (4) mak hetan ona apoiu husi Caritas mak hanesan Distritu Baucau, Manatuto, Viqueque no Distritu Lospalos, e iha grupu agrikultor 48 mak hetan ona apoiu.
Iha parte seluk Komunidade Jacinto Freitas, konsidera programa ne’ebe implementa husi Caritas ne’e diak tebes, tanba bele aumenta sira nia kapasidade.
“Ami sente kontente tanba durante ne’e teknikalmente ami laiha, laiha kapasidade atu hetan produsaun ne’ebe diak,” dehan Komunidade Freitas.
