“Hau hato’o ona kestaun ne’e ba Primeiru Ministru dehan tenke halo ona planu ida para sira fila mai sira iha esperensia peskadores ita buka atu tau iha fatin nune’e mos sira ne’ebe industria governu sei apoiu Kapital tanba sira mak agente ne’ebe partisipa iha dezenvolvimentu,” dehan SEFOPE, Bendito Freitas, (23/05) iha Delta Nova Dili.
SE husu ba joventude sira atu labele hanoin ba buka servisu iha rai liur ne’e sai atan ba ema ne’e lalos maibe realidade ne’ebe iha sira halo mudansa ba ekonomia familia uma laran, balun mos loke negosio.
Iha parte seluk, Diretur Nasional Emprego, SEFOPE, Paulo Alves hateten katak, kuatru governu iha ona planu atu apoiu ba trabalhadores sira bainhira fila maibe sei aprejenta planu sira ne’e ba governu foun ne’ebe mai atu toma atensaun hela ba trabalhadores sira bainhira fila no apoiu saida mak governu sei fo.
“Ami rasik husu ona ba ema iha korea atu kapasita tan trabalhadores sira liu-liu area espesifiku durante fulan tolu atu nune’ sira fila mai Timor –Leste alende iha osan sira mos iha kuinesementu ona area ne’ebe sira servisu ba, hau hanoin sira iha inisiativa atu loke usaha ruma governu pronto fo apoiu atu dezenvolve sira nia kuinesementu,” dehan diretur, Alves.
Nia espera katak trabalhadores sira ne’e iha hanoin ne’ebe diak atu bele loke sira nia usaha rasik hodi bele fo mos oportunidade ba joventude sira seluk atu aprende.
Trabalhadores feto no mane ne’ebe SEFOPE haruka ba halao servisu iha korea do sul iha area peskas, Agrikultura no Fabrika hamutuk 976 nain 42 mak fila ona tanba la kondis ho iklima no balun foti desizaun fila atu kontinua estudu no nain rua seluk mate. Nia informa mos katak iha fulan Junho nia laran sei haruka tan trabalhadores 20 resin.
