“Hau esperansa katak, Alola bele kontinua simu fiar husi parseiru sira husi doadores hanesan Unicef, Usaid, no husi ita nia governu rasik, hodi bele haburas tan programa hirak ne’ebe durante ne’e ami hala’o ona,” esperansa Prezidente Board FA, Kirsty Sword Gusmao, semana kotuk (19/05), ihaserimonia aniversariu bad ala-11, iha Mascarenhas, Dili.
Desde hari iha 20 Maiu 2001 to’o agora, hala’o ona programa barak e programa hirak ne’ebe durante ne’e FA hala’o mak hanesan iha area saude inan no oan nian, advokasia no iha area educasaun.
“Hau senti orgullu bo’ot ho progresu no ho buat ne’ebe maka alola konsege halo tiha ona, hodi hadia feto sira nia asesu ba educasaun, tanba ami konsidera educasaun ba labarik feto sira ne’e importante,” dehan Prezidente Gusmao.
Entertantu Diretora Ezecutiva Fundasaun Alola, Tereza Verdial hateten, area ne’ebe hetan progresu diak durante FA fo suporta ba feto maluk sira maka edukasaun.
“Hetan susesu tanba balun servisu ona iha STAE no balun sai profesora, balun servisu iha Mari’e Stope’s, ne’e duni hau hanoin ne’e hanesan susesu ida ba fundasaun alola tanba bolseiru sira hetan susesu hotu,” Diretora Verdial dehan.
