“Portu ne’e halo iha 2010 no dehan fulan Dezembru 2010 remata, maibe to’o agora la remata,” kestiona Kordenador Guterres, semana kotuk (20/04) iha Balide, Dili.
Tuir nia, lolos governu labele fo tan tender projetu ne’e ba iha kompania ne’ebe uluk kaer obra ne’e.
“Realidade to’o agora foin atinji 50%,” dehan Kordinador Guterres.
Nia hatutan, kondisaun ida ne’e sei fo impaktu ba Forsa Naval rasik, tanba maske governu sosa roo nafatin, maibe la kria kondisaun ne’ebe maka diak.
Iha lidun seluk membru Komisaun B Parlamentar, Deputadu Paulo Fatima Martins hateten, konstrusaun Portu ne’e tenke iha kualidade.
“Ita tenke iha portu ida ne’ebe maka temporariu, tenke kualidade diak, forti permanente, para ita nia roo sira ne’e estasiona iha ne’eba,” hateten Deputadu Martins.
