“Tenke fo treinamentu ba sira, hasa’e kapasidade ba ita nia rekursu umanu kona ba roo ninian, ne’e para hodi hadia roo sira ne’e, no iha kondisaun,” sujere Kordenador Peskiza FM, Frei dos Martires da Costa Guterres, semana kotuk (20/04) iha Balide, Dili.
Tanba tuir nia, durante ne’e Forsa Naval seidauk iha mekanika rasik, no bainhira roo aat, tenke ba halo manutensaun iha Indonezia.
Iha lidun seluk Membru Komisaun B Parlamentar, Deputadu Paulo Fatima Martins, dehan institusaun ida para bele moris, dinamikamente nia presiza rekursu umanu lojistika ida diak para bele halo jestaun.
“Purtantu ita iha roo, ita persiza ema ne’ebe maka iha kapasidade hanesan mekanik ida,” dehan Deputadu Martins.
Tuir Deputadu Martins, governu tenke iha koopersaun diak ho nasaun ne’ebe maka dezenvolvidu, hodi haruka membru Forsa Naval ba hasae’e tan kapasidade iha area mekanik nian.
“Sira ba eskola tinan hat ga lima, wainhira sira fila husi eskola ne’e sira bele ba kaer ona, duke ita nia roo aat, ita tenke lori ba rai seluk para hadia,” Deputadu Martins fo sujestaun.
