Rezultadu provizoriu hosi Sekretariadu Administrasaun da Eleisoens (STAE) ba elesiaun prezidensial segunda volta hosi ohin (17/4) tuku 10 dadersan oras Timor-Leste (OTL), hetan status Hotu Ona katak sura hotu ona ho valor 100 pursentu husi 13 Distritus iha rai laran. Hosi rezultadu provizoriu ne’e kandidatu Taur Matan Ruak (TMR) hetan vitoria ho 61,23 pursentu votos; no kandidatu Francisco Guterres (Lu-Olo) ho 38,77 pursentu.
No Distritu Lu- Olo Taur Matan Ruak (TMR)
1 Aileu 29,24 % 70,76 %
2 Ainaru 32,81 67,19 %
3 Baucau 52,07 % 47,95 %
4 Bobonaru 29,99 % 70,01 %
5 CovaLima 37,42 % 62,58 %
6 Dili 34,21 % 65,79 %
7 Ermera 32,94 % 67,06 %
8 Lautem 49,60 % 50,40 %
9 Liquisa 35,81 % 64,19 %
10 Manatutu 26,45 % 73,55 %
11 Manufahi 45,82 % 54,18 %
12 oecusse 24,08 % 75,92 %
13 Viqueque 66,08 % 33,92 %
Total 38,77 % 61,23%
Ho rezultadu provizoriu ne’ebe mak iha, Josh Trindade nudar Kordenador ida hosi Ekipa Susesu Kandidatu Prezidente Taur Matan Ruak (TMR) sente satisfeitu ho rezultadu provizoriu ne’ebe iha maske seidauk ofisial.
“Hau puas tebes ho rezultadu hirak ne’e, la’os hau mesak deit, maibe ekipa susesu hotu-hotu mos puas, katak ami nia servisu durante ne’e iha rezultadu nebe ke diak,” dehan Kordenador Trindade iha Hotel Timor, Dili.
Tuir Kordenador Trindade importante mak TMR bele hametin nafatin unidade nasional, paz no estabilidade no tenki rona povu tomak nia lian no tenki fo prioridade ba Timoroan, “tanba ita Timoroan mak tenki kaer ita nia kuda talin rasik.”
